SiyasətEnerjiMövqeBloq
İqtisadiyyatElm və TəhsilMədəniyyət"Rəsm"i mövqe
Siyasət
08 Yanvar 2015 | 10:25
Ukraynada daha 3 əsgər öldürülüb
A
A
print
Baxılıb: 1140

Yanvarın 7-də Kiyev ordusu bildirib ki, ötən gün ərzində rusyönümlü separatçılar 3 ukraynalı əsgəri öldürüblər. Sentyabrdan imzalanan atəşkəs əvvəlki kimi yenə də pozulub. Xəbəri "Reuters" yayıb.

Hadisə Ukrayna və Rusiyanın şərq ortodoks milad bayramını qeyd etdiyi vaxta təsadüf edib. Eyni zamanda, Şərqi Ukraynada sülhün bərpası üçün gələn həftə Qazaxıstanda sammit keçirilməsi planlaşdırılır. 4700-dən çox insanın ölümünə səbəb olan münaqişədə irimiqyaslı toqquşma nisbətən azalıb. Sakit Yeni il bayramı və ortodoks milad ərəfəsində arabir döyüşlər davam edib.

Ukrayna ordusunun nümayəndəsi Andrey Lisenkonun sözlərinə görə, əsgərlərdən biri snayperlə, digər ikisi minaatan və başqa atıcı silahlarla Donetsk sənaye şəhərindəki beynəlxalq hava limanı yaxınlığında öldürülüb. "Ötən sutkada şərqdə ciddi dəyişiklik yoxdur. Terrorçular atəşkəsi pozaraq anti-terror qüvvələrinə qarşı təxribat xarakterli hücum ediblər", - Lisenko deyib.

Separatçılar hökumət qüvvələri ilə yeni toqquşma olduğunu təsdiqləməyiblər.

Diplomatik cəbhədə isə yanvarın 15-i Ukrayna prezidenti Petro Poroşenkonun Rusiya prezidenti Vladimir Putin, Fransa və Almaniya liderləri ilə görüşəcəkləri gözlənilir. Dayanıqlı sülhü təmin etməyə yönələn növbəti danışıqlar Qazaxıstanın paytaxtı Astanada aparılacaq. Ukrayna və Fransa bildirib ki, real nəticəyə ümid olsa, Qazaxıstan görüşü baş tutacaq.

Separatçılar Şərqi Ukraynada özlərinin "xalq respublikalarını" elan ediblər. Ukrayna və Qərb müttəfiqləri Rusiyanı separatçıları dəstəkləməməyə, silah və hərbi texnikanı geri çəkməyə çağırır. Rusiya isə öz qüvvələrinin münaqişədə rol oynadığını inkar edir.


MÖVZU İLƏ BAĞLI XƏBƏRLƏR
Top xəbərlər
DİGƏR XƏBƏRLƏR
14/10 15:44Avropa Məhkəməsi "Perinçek" işi ilə bağlı son sözünü deyəcək12/10 16:07Suriya müharibəsi və onun kökləri: qısa arayış01/10 11:53Şərqi Avropa və Qafqazdakı "dondurulmuş münaqişələr" Avropa Parlamentində müzakirə olundu28/06 16:55Brüsseldə Avropa Oyunlarına həsr edilmiş layihə çərçivəsində yekun tədbir keçirilmişdir29/05 21:48Rotterdamda Respublika günü qeyd edildi27/02 13:09Xocalı faciəsi yəhudi muzeyində anıldı09/01 13:15Parisdəki terror aktı MS-in gözü ilə09/01 11:02 Parlament "Charli Hebdo" qurbanlarının xatirəsini yad edib