Eunews :: Siyasət

Aİ-dən Şərq Tərəfdaşlığı ölkələrinə daha bir dəstək
18/12/2014

Dekabrın 28-də Avropa Şurasının Brüssel ofisində Avropa İttifaqı ilə Avropa Şurası arasında yeni əməkdaşlıq sazişi imzalandı. Sazişin məqsədi Aİ-nin Şərq Tərəfdaşlığı proqramına daxil olan 6 ölkə - Azərbaycan, Belarus, Ermənistan, Gürcüstan, Moldova və Ukraynada demokratiya, hüquqi dövlət və insan hüquqlarının inkişafına dəstək verməkdir. 

Sazişi AŞ baş katibinin müavini Qabriela Battaini-Draqoni və Avropa Komissiyasının nümayəndəsi Mikael Köhler imzalayıblar. Mərasimə Avropa Şurasının Brüssel ofisinin rəhbəri səfir Torbyorn Froysnes ev sahibliyi edib. 

Ümumi dəyəri 33.8 milyon avro olan saziş 3 illik müddət üçün imzalanıb. AŞ baş katibinin müavini Qabriela Battaini-Draqoni bu müddətin artırılacağını da istisna etməyib. 

http://eunews.az/politics/20141218071322799.html